Hego Euskal Herriko Kongresu eta Jardunaldiak

I Kongresua (Arantzazu, 1956)

Donostiako Aranzadi elkartea izan zen aintzindaria: 1956eko ekainaren 28tik 30era antolatu zuen Arantzazuko I Kongresua. Euskal talde guztietako espeleologoak parte hartu zuten, hasiberriak barne; baita gaian interesa zuten hainbat geologo eta naturalista ere. Jardunaldi hauen helburua kulturala izan zen batik bat; hala erakusten du egitarauak:

• Ekainaren 28an Vianako Printzearen Instituzioko bi kide lurrazpiko esploraketaz eta teknikaz aritu ziren; Jose Mª Thomasek lan topografikoen teknikak eta tresneriaz jardun zuen; eta Felix Ruiz de Arkautek lurrazpiko argazkilaritzaz.
• Ekainaren 29an José Mª Eslava karaitzen petrologiaz mintzatu zen; M. Jullivert doktoreak lurrazpiko morfologia jorratu zuen; Noel Llopis Llado doktore ospetsua karaitzen egitura, tektonika eta sedimentazioaz aritu zen; eta Jose Miguel Barandiaranen gaia ikerketa arkeologikoa eta kobazuloetako sedimentuen pilaketa izan zen.
• Ekainaren 30ean Carlos Menaya Erburuk eta Pedro Rodriguez de Ondarrak hitzaldia eman zuten katalogo espeleologikoaz eta lurraldearen mapaz; eta bukatzeko, Joaquín Gómez de Llarenak fenomeno espeleologikoen terminologiaz jardun zuen.

Jardunaldiak, urterik urte

I kongresu honetatik 50 urte baino gehiago igaro arren Hego Euskal Herriko Espeleologia Jardunaldiak eten gabe ospatu dira, maiztasun aldakorrarekin hori bai. Hurrengo lerroetan ikus daitekeenez, Euskalherriko kobazulo esanguratsuenen esplorazioa Jardunaldi hauetan egin da, hain zuzen ere. Labur aipatuko ditugu:

 

II Jardunaldiak (Urbasa, 1957)

• Antolatzailea: Vianako Printzearen Instituzioko taldeak.
• Jarduerak: Tximua, Arleze eta Robleko leizeak esploratu zituzten eta Máximo Ruiz de Gaonak hitzaldi bat eman zuen zonaldearen ezaugarri geologiko eta hidrogeologikoez

 

III Jardunaldiak (Karrantza, 1958)

• Antolatzailea: Bizkaiko Espeleologia Taldea.
• Jarduerak: Karlistaren leizearen eta Lanestosako kobaren esplorazioa; biologiari buruzko hitzaldia Balcells irakasleak emana eta ondoren, Jose Miguel Barandiaran arkeologiaz, J A. Martínez hidrogeologiaz eta J. Montoriol Pous lurrazpiko morfologiaz aritu ziren.

 

IV Jardunaldiak (Gorbea, 1959)

• Antolatzailea: Arabako Espeleologia Taldea.
• Jarduerak: esplorazioak Mairulegorreta I. Leizea, Artxulegi eta Sale iturburuetan eta Madiko leizean; Mairulegorreta III leizean Jose Migel Barandiaranen zuzendaritzapean indusketa arkeologikoak.

 

V Jardunaldiak (Larra, 1960)

• Antolatzailea: Vianako Printzearen Instituzioko taldea.
• Jarduerak: jarduera nagusia San Martin Harriko leizearen esplorazioa izan zen, hala nola Ukerdi zonaldearen ikerketa geografiko eta hidrogeologikoa (San Jorge ibaiaren arroan), Arlas mendiaren zonaldeko leizeen esplorazioa eta ikerketa hidrogeologiko orokorra. Hitzaldi hauek ere eman zituzten: Arturo Valenzuelak karstaren morfologiaz; Adolfo Erasok Klimatikaz eta Geoespeleologiaz, Bernad Closek lurrazpiko argazkilaritzaz. Electricite de France konpainiako teknikariek, berriz, San Martin Harriko leizean adar nagusiaren topografia egin zuten.

 

VI Jardunaldiak (Itxina, 1967)

• Antolatzailea: Bizkaiko Espeleologia Taldea.
• Jarduerak: Itxinako karsteko leize eta kobazuloen esplorazioa.

 

VII Jardunaldiak (Itxina, 1968)

• Antolatzailea: Bizkaiko Espeleologia Taldea.
• Jarduerak: jardunaldi hauetan aurreko urteko lanari jarraipena eman zitzaien. Lan nagusia Otsabideko leizean eta Erdialdeko Pitzadura Handian egin zen.

 

VIII Jardunaldiak (Salbada Mendilerroa, 1969)

• Antolatzailea: Arabako Espeleologia Taldea.
• Jarduerak: eguraldi txarra dela eta ez ziren egon.

 

Jardunaldiak (Itxina, 1970)

Ez ziren ospatu eguraldi kaskarra izateagatik. Horren ondorioz beste ezplorazio batzu antolatu ziren Deguriako karstean (Aizkorri-Gipuzkoa).

 

IX Jardunaldiak (Mendaro, 1974)

• Antolatzailea: Eibar Kirol Elkarteko taldea.
• Jarduerak: Mendaroko karsteko leize eta koben esplorazioa egin zen, bereziki Leizetako Lezian (-200m). Beste aldetik Espeleo-laguntzarako praktikak burutu ziren.

 

X Jardunaldiak (Jorrios, 1975)

• Antolatzailea: Bizkaiko Espeleologia Taldea.
• Jarduerak: mendilerroko hainbat leizen explorazioa egin zen eta "Euskal II. Salbamendu Praktikak" Mazuelaren Torcan (-60m) ospatu ziren.

 

XI Jardunaldiak (Gorbeia, 1976)

• Antolatzailea: Arabako Espeleologia Taldea.
• Jarduerak: leize batzuen topografia egin zuten. Bizkaiko Espeleologia Taldeak topografia ikastaro bat eman zuen.

 

XII Jardunaldiak (Gesaltza, 1977)

• Antolatzailea: Aloña Mendi Espeleologia Taldea.
• Jarduerak: Gesaltzako kobazuloaren topografia berri bat eta fauna bilketa egin ziren.

 

XIII Jardunaldiak (Ataun, 1978)

• Antolatzailea: Aranzadiko Zientzia Elkartearen taldea.
• Jarduerak: Aralarko Hego-Mendebaldeko leize eta koben esplorazioa eta zonaldearen sintesi hidrogeologikoa.

 

XIV Jardunaldiak (Aralar, 1979)

• Antolatzailea: Vianako Printzearen Instituzioko taldea eta Satorrak Espeleologia Taldea (C.D.N.).
• Jarduerak: Ormazarretako Lezia 1-eko (-373 m) sifoi terminalaren kolorazioa egin zen. Zonaldearen leize batzuen (bereizi Bizkaino leizea) topografia eta ezplorazio orokorra.

 

XV Jardunaldiak (Salbada Mendilerroa, 1981)

• Antolatzailea; Arabako Espeleologia Taldea.
• Jarduerak: Jardunaldi hauetan Salbada Mendilerroko Zonaldeko hainbat leize esploratu eta topografiatu ziren bereziki Kobatako Sakanako leizean (SR-7)

 

Jardunaldiak (Gorbea, 1983)

• Antolatzailea:Bizkaiko Espeleologia Taldea.
• Jarduerak: urte honetako jardunaldiak sekulako elur-ekaitz bota ondoren supenditu ziren.

 

XVI Jardunaldiak (Larra, 1987)

• Antolatzailea: Satorrak Espeleologia Taldea (C.D.N).
• Jarduerak: BU-56 (Ilaminako Ateak) leizera jaitsiera Larrako karstean. Barruan bi kanpaleku egin ziren hainbat talde-lan gauzatu ahal izateko: topografia, argazkigintza... etabar.

 

XVII Jardunaldiak (Aralar, 1988)

• Antolatzailea: Aranzadiko Zientzia Elkartearen Espeleologia taldea.
• Jarduerak: leizeen prospekzio-ezplorazioa; Malkorriko haitzuloa bertan aurkitu eta exploratzen hasi zen.

 

XVIII Jardunaldiak (Salbada Mendilerroa, 1990)

• Antolatzailea: Arabako Espeleologia Taldea.
• Jarduerak: SI-44 leize-sistemaren tamaina handiarengatik, urria-azaroaren 3 asteburutan zehar burutu ziren talde-lanak. Barruko bi kanpaleku antolatu behar izan ziren, lan eremua sarreratik 10 kilometrotara zegoelako.

 

XIX Jardunaldiak (Gorbea, 1991)

• Antolatzailea: Arabako Espeleologia Taldea.
• Jarduerak: Gorbeiako Mairuelegorretako eta Peña Gingiako Kobazuloetan salbamendu praktikak.

 

XX Jardunaldiak (Galdames, 1992)

• Antolatzailea: Bilboko GAES.
• Jarduerak: Arenaza, El Bortal eta Sima Europa haitzuloen ezplorazioak.

 

XXI Jardunaldiak (Aralar, 1993)

• Antolatzailea: Lizarrako Espeleologia Taldea.
• Jarduerak: alde batetik jardunaldi hauetan Malloako Jurasiko ipar-karstaren prospekzioa egin zen. Bestetik Ormazarreta II leizearen amaierako zonaldean explorazioak burutu ziren.

 

XXII Jardunaldiak (Gernika, 1994)

• Antolatzailea: Gernikako ADES.
• Jarduerak: Gernikako eskualdeko haitzulo batzuetan espeleo-laguntzako praktikak egin ziren, bereziki lurpeko ibaietan. Desobstrukzioko teknika italiarra erakutsi zen.

 

XXIII Jardunaldiak (Arantzazu, 1996)

• Antolatzailea: Aloña Mendi Espeleologia Taldea.
• Jarduerak: helburu nagusia EEE-UEV-eko taldeen maila teoriko-praktikoa jasotzea izan zen. Horretarako lan-talde ezberdinak antolatu ziren ondorengo gaiei buruz; topografia, esplorazio teknika, lurrazpiko argazkigintza, informatika, karstaren deskribapena.

 

XXIV Jardunaldiak (Salbada Mendilerroa, 1997)

• Antolatzailea: Arabako Espeleologia Taldea.
• Jarduerak: SI-44 (Hayal de la Ponata) leize-sisteman hainbat lan ezberdin burutu ziren, besteak beste; SI-44 leizearen amaierako sifoian eta Pozo Nuevo II leizean fluoresceina eta rodamina injektatu zen, "Agua de los Losinos " eta "Muleteros" leizetan desobstrukzio eta topografia-lanak egin ziren.

 

XXV Jardunaldiak (Badaia Mendilerroa, 1999)

• Antolatzailea: Arabako Espeleologia Taldea.
• Jarduerak: zonaldearen prospekzioa eta Santa Ageda eta Los Goros leize-kobazuloetako esplorazio lanak burutu ziren.

 

XXVI Jardunaldiak (Amezketa, 2000)

• Antolatzailea: Félix Ugarte Elkartea.
• Jarduerak: Txindoki, Larreone, Balerdi eta Zabalegi mendien haitzulo berrien esplorazio eta prospekzioak egin ziren.

 

XXVII Jardunaldiak (Gernika, 2008)

• Antolatzailea: Gernikako ADES.
• Jarduerak: EEE-UEV-ko taldeen maila teoriko-praktikoa handitzea; tailer ezberdinak: topografia, esplorazio-teknika, web-orriak-blogak-internet, karstaren batzordea; hitzaldi eta emanaldiak: argazkilaritza, aurrehistoria, paleontologia, bioespeleologia, geologia, karstaren babesa, katalogoa, sorospenak arroiletan, etabar. Irteerak: Kantauriko Begia, Santimamiñe, Lamiñak, Ezuneta-Urgitxi, Abitaga-Trakamail.... Programa osoa: http://jardunaldiak.blogspot.com/

XXVIII Jardunaldiak (Arrasate/Oñati, 2010)

• Antolatzaileak: Arrasateko BET eta Oñatiko AMET.
• Jarduerak: Joseba Iglesiasi omenaldia, kartografia tailerra, esplorazio teknika berriak, argazki rallya, Gesaltzan esplorazioa, Oñati inguruko karsta ezagutzeko ibilaldia, CAVEX team eta Krubera Voronyari buruzko hitzaldiak... Programa osoa: http://sites.google.com/site/28espeleojardunaldiak/
• Irudiak:  http://www.euskalespeleo.com/index.php?doc=500&idioma=1

XXIX Jardunaldiak (Busturia, 2011)

• Antolatzaileak: ADES (Gernika-Lumo).
• Malloku Sistemako lanen aurkezpena. David Diez, Gorka Zabala eta Javier Moreno: Jardunaldien aurkezpena, Goikoetxeko baserritarren papera, Jagoteko Akordioaren nondik norakoak. Javier Maeztu eta Gotzon Aranzabal: Malloku Sistemaren azalpen geologikoa, ADES taldeak eramandako esplorazioen historia. Josu Granja: Goikoetxe haitzuloaren diaporama. Antonio Garcia eta Ricardo Gutierrez: urpeko esplorazioen irudiak. Jose Miguel Edeso eta Juan Carlos Lopez Quintana: "Registro paleoambiental" izeneko hitzaldia, Goikoetxe kobako hondar metaketaren interpretazioa, klimari buruzko datuak. Carlos E. Prieto: Malloku Sisteman bizi diren izakiak, bertan deskribatu diren espezie berriak barne. Arantza Aranburu Artano: espeleotemak, bertan hartutako estalagmita lagin biren azterketa. Iñaki Vadillo eta Juan Antonio Barbera: hidrologia eta klimatologia.
• Espeleologia zientifiko prozedurak. Juan Carlos López Quintana: "Ocupación y uso de las cuevas por el ser humano durante la Prehistoria" hitzaldia, arkeologia lanen zehaztapenak eta esplorazioetan zehar hartu behar ditugun prekauzioak. Pedro Castaños: "Ultimas aportaciones de la espeleología vasca a la paleontología del Cuaternario" hitzaldia, 27 Jardunaldietatik hona jasotako laginen eta haien ikerketen eguneraketa. Joseba Rios eta Diego Garate: labar-artea detektatu eta salbatzeko prozedurak. Javier Moreno: Triano-Galdameseko karstean Burniak egindako ikerketa programa. Maria Napal: "Analisis de sostenibilidad del recurso hidrico. Acuifero de Itxako (Barindano)" izeneko lana, Lizarrako Espeleologia Taldeak azken hileetan  Lokiz mendizerran eramaten diharduena. Iñaki Vadillo eta Juan Antonio Barbera: klimatika, hidrokimika eta trazadoreen erabilpena.